《咩係「干卿底事」？》
卿卿啱啱開《干卿底事》呢個專頁寫文章，遇到好多朋友仔不約而同咁問：
「干卿底事係咩意思呀？點解會改呢個名嘅？」
好啦慢慢黎，先講下呢四個字其實有咩含意。干卿底事，又作干卿何事，出自《南唐書·馮延巳》：「延巳有『風乍起，吹皺一池春水』之句，元宗嘗戲延巳曰：『吹皺一池春水，干卿何事？』」
話說喺五代時期，南唐皇帝李璟對帶兵打仗治理朝政一啲興趣都冇，淨係鍾意吟吓詩作吓詞。有一次，李璟寫《攤破浣溪沙》：「細雨夢回雞寒遠，小樓吹徹玉笙寒。」佢見宰相馮延巳嘅《謁金門》寫：「風乍起，吹皺一池春水」就取笑佢「吹皺一池春水，乾（干）卿何事？」
干卿底事，好聽啲就係「關你咩事」。其實貼近少少原文的話就係解「關你__事」，英文翻譯就係 「it's none of your f__king business」。
好喇，講完呢四隻字咩意思，就要解釋一下點解改呢個名。其實，生活上有好多事物都好似唔係好關我地事。如果我地下下都本住一個唔關我事嘅心態，好快我地就會對身邊嘅一切失去興趣，只會靠外界去俾資訊我地。
卿卿就係打住「係呀，唔關我事。不過我有興趣知多啲！」嘅旗號，希望發掘更多新嘅事物，同大家分享。
如果鍾意，記得多多支持呀！
Search